Тукай аенда институтыбызның Г.Тукай исемендәге милли мәдәният һәм мәгариф югары мәктәбендә “Кино көне” үткәрелә

21 апрель көнне Филология һәм мәдәниятара багланышлар институтында  сөекле шагыйребез Габдулла Тукайның тууына 140 ел уңаеннан Татарстанның халык язучысы, Г.Тукай бүләге иясе Нурихан Фәттахның “Кырык дүртнең май аенда” исемле повесте нигезендә төшерелгән шул исемдәге кинофильмны (режиссер Александр Далматов) карау һәм сөйләшү оештырыла.

Чарада режиссер Александр Далматов, фильмда катнашучы актерлар катнашуы көтелә. “Кырык дүртнең май аенда” — А.Далматов эшләгән проектлар арасында беренче тулы метражлы фильм. Ул “Алтын мөнбәр” кинофестивале кысаларында тәкъдим ителде.

Үткәрелү вакыты: 8.30 -11.40
Үткәрелү урыны: Казан, Татарстан урамы, 2,  346 бүлмә.

КФУның татар әдәбияты кафедрасында эшләп килүче “Рухият” фәнни түгәрәге активы, фото: съемочная группа фильма "В мае сорок четвертого"