Тынгысыз гомер юлы...

М.Җәлилнең музей-фатирында күренекле галим, Институтыбызның татар әдәбияты кафедрасы профессор-консультанты Хатыйп Йосыф улы Миңнегуловның 85 яшьлек юбилеена багышланган “Тынгысыз гомер юлы...” дип исемләнгән чара булып үтте.

12 апрельдә М.Җәлилнең музей-фатирында күренекле галим, Институтыбызның татар әдәбияты кафедрасы профессор-консультанты Хатыйп Йосыф улы Миңнегуловның 85 яшьлек юбилеена багышланган “Тынгысыз гомер юлы…” дип исемләнгән чара булып үтте. Кичәдә Хатыйп Йосыф улы үзенең тормыш юлына бәйле хатирәләре турында сөйләде, аның хатирәләрен шагыйрь, Г.Тукай исемендәге Дәүләт бүләге иясе Рәдиф Гаташ дәвам итте.

Чарада татар әдәбияты кафедрасы профессорлары Фоат Галимулла улы Галимуллин, Нурфия Марс кызы Юсупова галимнең гыйльми, җәмәгать һәм мөгаллимлек эшчәнлеге турында чыгышлар ясады, үз хатирәләре белән уртаклаштылар. Әлеге искиткеч җылы, эчтәлекле итеп оештырылган чарада Г.Тукай исемендәге Милли мәдәният һәм мәгариф югары мәктәбенең 10.2 – 101 төркем студентлары да катнашты.

Чыганак: Нурфия Юсупова

Образование 15.04.2024