Филология һәм мәдәниятара багланышлар институты кытай теле укытучыларын әзерли башлый

Казан федераль университетының Филология һәм мәдәниятара багланышлар институты кытай теле укытучыларын әзерли башлаячак

Казан федераль университетының Филология һәм мәдәниятара багланышлар институты кытай теле укытучыларын әзерли башлаячак. Бу хакта «Татар-информ»да матбугат очрашуында институт директоры Рәдиф Җамалетдинов хәбәр итте.

«Без ата-аналар һәм укучылар фикерен исәпкә алып, педагогик белем бирү өлкәсендә яңа программалар ачабыз. Быел, аерым алганда, рус теле программасы буенча рус теле һәм кытай теле, чит тел (инглиз теле) һәм кытай теле профильләрен өстәдек. Узган ел, мәсәлән, рус теле һәм инглиз теленә кабул иткән идек», — дип сөйләде Филология һәм мәдәниятара багланышлар институты директоры.

Ике телле белем бирү мохитендә педагог булырга карар кылган абитуриентлар өчен республика бюджет урыннары белән тәэмин итә, әмма моның өчен максатчан килешү төзергә кирәк.

«Реклама һәм җәмәгатьчелек белән элемтә» программасы кысаларында әзерлек юнәлешләре исемлеге киңәйтелде. Программага «Event-дизайн» һәм конгресс-күргәзмә эшчәнлеге, «Саунд-дизайн һәм музыкаль продюсерлык», «Этнодизайн һәм мода өлкәсендә бренд-коммуникацияләр» өстәлә. Институт аерым рәвештә нәшрият эше программасын «Мәгълүмати мохит», «Медиадизайн һәм анимация» кебек яңа юнәлешләр белән үстерүне дәвам итә. «Реклама» һәм «нәшрият эше» программалары Татарстан Рәисе ярдәме белән гамәлгә ашырыла, бюджет урыннары да грантлар нигезендә бирелә. Узган ел грантлар ярдәмендә 20шәр бюджет урыны бирелгән иде», – диде ул.

КФУның Филология һәм мәдәниятара багланышлар институтында кабул итү кампаниясе 20 июньдә башланган, ул 25 июльгә кадәр дәвам итәчәк. Кайбер юнәлешләргә институт кысаларында уздырылачак сынаулар каралган. Әлеге юнәлешләргә документларны 15 июльгә кадәр кабул итәләр.

Быел институт 48 укыту программасын ача: 30 бакалавриат программасы һәм 18 магистратура программасы. Узган елда 467 бюджет урыны бирелсә, быел бюджет урыннары саны бакалаврлар һәм магистрлар өчен арткан – 498 урын булган. Институт директоры бюджет хезмәткәрләренең студентларның өчтән бер өлешен тәшкил итүенә игътибар итте.

«Безнең программаларга Татарстан, Россиядә генә түгел, чит илдә дә сорау зур. Институтта биш мең студент укый, чит илдән килгән студентлар, гадәттә, рус телен өйрәнә. Бүгенге көндә чит илләрдән балаларның документларын кабул итүне ике ай элек башлап җибәрдек, инде 600-700ләп гариза килде», – дип искәртте Рәдиф Җамалетдинов.

Аның әйтүенчә, КФУ ректоры программасы нигезендә, Бердәм дәүләт имтиханында 100 балл җыйган укучылар укырга керсә, аларга бер тапкыр түләнә торган өстәмә стипендия каралган. «Безгә ел саен югары балл җыйган абитуриентлар укырга килә. Узган ел 100 балл җыйган 48 студент укырга кергән иде. Укучы БДИда 100 балл җыйган икән, 100 мең сум түләнә. 200 балл, 300 балл җыйса – 200 һәм 300 мең сум стипендия түләнә», – диде ул.

Чыганак: Зилә Мөбәрәкшина, Татар-информ.

Фото: Солтан Исхаков