Студентларның “Рухият” фәнни түгәрәге яңа уку елында эшчәнлеген башлап җибәрде
17 сентябрь көнне без, КФУның Филология һәм мәдәниятара багланышлар институтының «Рухият» фәнни түгәрәгенә йөрүче студентлары, җитәкчебез Гөлфия Расил кызы Гайнуллина белән беренче утырышыбызны үткәрдек
17 сентябрь көнне без, КФУның Филология һәм мәдәниятара багланышлар институтының «Рухият» фәнни түгәрәгенә йөрүче студентлары, җитәкчебез Гөлфия Расил кызы Гайнуллина белән беренче утырышыбызны үткәрдек. Бу фәнни түгәрәктә безгә фәнни мәкаләләр язарга өйрәнү, конференцияләрдә катнашу мөмкинлеге тудырыла. Бүгенге очрашуыбызда без “Рухият”нең яңа уку елына планы турында фикер алыштык. Ә инде киләсе очрашуыбыз безнең прозаик, публицист, әдәбият белгече Рәҗәп Бәдретдиновның иҗатына багышланачак, аның хикәяләре һәм повестьлары турында язучының үзе катнашында сөйләшү оештырылачак, бүгенге проза турында фәнни мәкалә язарга әзерлек башланачак.
Шулай ук “Рухият” түгәрәгенә йөрүче студентларыбыз режиссёр Александр Далматовның Туфан Миңнуллинның “Ай булмаса, йолдыз бар” әсәре нигезендә төшерелә торган фильмда да катнашып кайттылар.
Киләчәктә безне язучылар, журналистлар белән кызыклы очрашулар, фәнни мәкаләләр язу, кызыклы конференцияләрдә катнашулар көтә.
Сәрия Сираҗиева, “Рухият” фәнни түгәрәгенең староста урынбасары, 10.2.502 төркем студенты
Последние новости:
Студенты ИФМК КФУ поучаствовали в акции «Красная ленточка»
28.11.2025
«Лучший студенческий научный кружок КФУ»
28.11.2025
Студенты ИФМК КФУ посетили Национальный музей Республики Татарстан
28.11.2025
До окончания регистрации на олимпиаду «МагистриУм» считанные дни
28.11.2025
Преподаватели высшей школы зарубежной филологии и межкультурной коммуникации им. И.А.Бодуэна де Куртенэ приняли участие в научной конференции
28.11.2025
